كيف تعكنن على زوجتك

كيف تنكد و تعكنن على مراتك ؟؟

1- اصحى يوم الجمعة بهمة ونشاط وجهز الإفطار لزوجتك بس ...متنساش انك تستخدم 15 طبق واكبر كمية من الملاعق والشوك و 5 حلل من اللي عندكم فى المطبخ و 10 كوبيات لإعداد طبق بيض وسندوتش جبنه طبعا يُراعى ترك آثار سمنة على الأرض مع ترك... التلاجة مفتوحة وقشر البيض فى الحوض.

2ـ إذا كنت بتتفرج على التلفزيون وهي عايزة تغيّر القناة .. قولها معلهش الحلقة دى مهمة جدا واحد صاحبي شافها على القناة الفضائية وقالي إن الحلقة دي هى المسلسل كله ولو كنت بتتفرج على ماتش كورة هيبقى الموضوع أسهل .. كل ما حد من اللاعبين من أي فريق يمسك الكورة قالها معلهش ثوانى بقى أنا حاسس إن الكورة دي جون حتى لو كان حارس المرمى ماسك الكورة والماتش واقف لان فى واحد مصاب .

3ـ الصبح وأنت رايح على شغلك وهى نايمة تعمد إسقاط اى شئ أو خبط الباب بصوت عالى علشان تصحيها هى كمان ولو حاولت ترجع تنام تانى قولها مادام صحيتى حضري الفطار بقى .

4ـ فى عيد ميلادها زيّن ليها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟! اتحجج بضعف الإضاءة فى البيت وأنتَ بتبص على النجفة اللى عندكم اللى فيها 30 لمبة مع ابتسامة صفراء خفيفة .

5ـ لو عاملة ريجيم اجري على السوبر ماركت ومحلات الحلويات واملى التلاجة شكولاتة وحلويات وجاتوهات يُراعى التجول وانت مستمتع بأكل الجاتوة امامها.

6ـ ماتنساش رأيك فى طبيخها لو عاملة لحمة قولّها حلو اوووى الفراخ دي .. ولو طبخة بامية .. جميلة اوى الملوخية دي ياحياتي حطّة عليها ايه ؟؟ ولو عملة كيكة قولّها انا بحب اشرب شاى مع البسكويت الحلو ده .

7ـ لو طلبتْ منك تنشر الهدوم قولها حاضر مع ابتسامة حنينة وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت مني فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك .

8ـ لو الزوجة قررت مسح الأرضيات فى البيت حاول انك تروح وتيجي على المناطق المبلولة متحجج بأنك محتاج تتصل ضرورى بواحد صاحبك ومرة عطشان ومرة تانية بتجيب الجرنال ومفيش مانع انك تقول انك حاسس إن التليفون هيرن كمان شوية.

9ـ لو كانت مشغولة فى نظافة البيت أو مع الأولاد وطلبت منك تغسل كوبايتين الشاي بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوباية من الاتنين وهي مكسورة واسألها فى براءة: ارمي دي فين ؟؟

10ـ وانت قاعد تتفرج على التلفزيون وهيّ طالع عينها فى تنظيف البيت وبعد ما تخلص وتيجي يدوبكك تقعد تستريح جنبك بصلها وقالها حبيبتى معلش ممكن كوبية ميّة علشان ضهري بيوجعنى .

وأنت أزاى هتعكنن على مراتك؟

أيها الأزواج :

أكتبوا أحدث طرُق للعكنة على مراتك
!
منتظر الرد!

» كيف تعامل زوجتك ؟؟
» كيف تخسر زوجتك ؟؟؟ يا غلبان